Excusacio auctoris

Go lytell treatyse submyt the humbly
To our souerayne lorde/to be in his presence
Besechynge his grace to accepte the mekely
And to pardon thy rudenes and neclygence
To compyle those maters whiche sholde pleasure be
Unto his hyghnes and regall maieste
Now ye fayre ladyes/wyse and vertuous
I ryght humbly praye you for to condyscende
To accepte my makynge nothynge facundious
I wolde that fortune wolde connynge extende
That myn endytynge I myght than amende
To dyrecte my maters after your pleasaunce
Whiche yet replete am with all ygnoraunce.
AMEN