Mignonne, allons voir si la roseQui ce matin avait decloseSa robe de pourpre au soleil,A point perdu cette vespréeLes plis de sa robe pourpréeEt son teint au vostre pareil.
Las! voiés comme en peu d'espace,Mignonne, elle a dessus la placeLas, las, ses beautés laissé cheoir!O vraiment maratre Nature,Puis qu'une telle fleur ne dureQue du matin jusques au soir.
Donc si vous me croiés, mignonne:Tandis que vôtre âge fleuronneEn sa plus verte nouveauté,Cueillés, cueillés vôtre jeunesseComme à cette fleur, la vieillesseFera ternir vôtre beauté.
