"Fra banc to banc, fra wod to wod, I rin"

Fra banc to banc, fra wod to wod, I rin
Owrhailit with my feble fantasie,
Lyc til a leif that fallis from a trie
Or til a reid owrblawin with the win’.
Twa gods gyds me: the ane of tham is blin’,
Ye, and a bairn brocht up in vanitie;
The nixt a wyf ingenrit of the se,
And lichter nor a dauphin with hir fin.
Unhappie is the man for evirmaire
That teils the sand and sawis in the aire,
Bot twyse unhappier is he, I lairn,
That feidis in his hairt a mad desyre,
And follows on a woman throu the fyre,
Led be a blind and teichit be a bairn.