Yowr yen two woll sle me sodenly.I may the beaute of them not susteneSo wondeth it thorow out my herte kene.
And but your word woll helen hastelyMi hertis wound while that it is grene Your yen [two woll sle me sodenly. I may the beaute of them not sustene.]
Vpon my trouth I sey yow feithfullyThat ye ben of my liffe and deth the quene,For with my deth the trouth shalbe sene. Your yen [two woll sle me sodenly. I may the beaute of them not sustene So wondeth it thorow out my herte kene.]
So hath yowr beaute fro your herte chasedPitee that me nauailleth not to pleynFor danger halt your mercy in his cheyne.
Giltles my deth thus han ye me purchaced,I sey yow soth, me nedeth not to fayn, So hath your beaute [fro your herte chased Pitee that me nauailleth not to pleyn.]
Alas that nature hath in yow compasedSo grete beaute that no man may atteynTo mercy though he sterue for the peyn. So hath your beaute [fro your herte chased Pitee that me nauailleth not to pleyn For danger halt your mercy in his cheyne.]
Syn I fro loue escaped am so fatI neuere thenk to ben in his prison lene.Syn I am fre, I counte hym not a bene.
He may answer and sey this and that.I do no fors, I speke ryght as I mene, Syn I fro loue [escaped am so fat I neuere thenk to ben in his prison lene.
Loue hath my name istrike out of his sclat,And he is strike out of my bokes clene.For euer mo ther is non other mene, Syn I fro loue [escaped am so fat I neuere thenk to ben in his prison lene. Syn I am fre, I counte hym not a bene.]
