May no man slepe in youre halle For dogges, Madame, For dogges, Madame, But gyf he haue a tent of xv ynche With twey clogges To dryue awey the dogges, Madame. Iblessyd be such Clogges That gyuef such bogges By twyne my lady legges To dryue awey the dogges, Madame.
May no man slepe in youre halle For rattys, Madame, For rattys, Madame, But gyf he haue a tent of xv enche Wyt letheryn knappes To dryve awey the rattys, Madame. Iblessyd be suche knappes That gyveth such swappes Vnder my lady lappes To dryve awey the rattys, Madame.
May no man slepe in youre halle For flyes, Madame, For flyes, Madame, But gyf he haue a tent of xv enche Wyt such byes To dryve awey the flyes, Madame. Iblessyd be such byes That maketh such suyes By tuynne my lady thyes To dryve awey the flyes, Madame.
