Make we mery bothe more and lasse,For now is the tyme of Crystmas.
Lett no man cum into this hall,Grome, page, nor yet marshall,But that sum sport he bryng with-all, For now ys the tyme of Crystmas.
Yff that he say he can not syng,Sum oder sport then lett hym bryng,That yt may please at thys festyng, For now ys the tyme of Cristmas.
Yff he say he can nowght do,Then for my loue aske hym no mo,But to the stokkes then lett hym go, For now ys the tyme of Crystmas.
