I haue a gentil cook, Crowyt me day.He doth me rysyn erly, My matyins for to say.
I haue a gentil cook, Comyn he is of gret.His comb is of reed corel, His tayil is of get.
I haue a gentyl cook, Comyn he is of kynde.His comb is of red scorel, His tayl is of Inde.
His legges ben of asor, So geintil and so smale.His spores arn of syluer qwyt, In to the worte wale.
His eynyn arn of cristal, Lokyn al in aumbyr,And euery nyght he perchit hym In myn ladyis chaumbyr.
